امبارح شركة شاومي مصر أعلنت بشكل رسمي عن ريدمي Redmi 9 و اللي أنا شخصياً كنت متحمس ليه خصوصاً بعد أعلنه عنه في في الخارج من شهر تقريباً و بسعر منافس جداً خصوصاً و أن الفئة من 2000 لـ 2500 كانت تعتبر فاضية مفيهاش اختيارات كتير و ده هيكون عرض مفصل لامكانياته بعد كده نقارنه بالمنافسين علشان نشوف هل ده يعتبر أفضل اختيار في الفئة دي و لا في اختيار أفضل:
المعالج: MediaTek Helio G80 بدقة تصنيع 12 نانو
الشاشة: بحجم 6.53 بوصة بدقة FHD+ و أكيد طبعاً IPS
الكاميرا: كاميرا أمامية بدقة 8 ميجا بيكسل بفتحة عدسة F/2.0
4 كاميرات خلفية الأساسية 13 ميجا بكسل بفتحة عدسة F/2.2 التانية للزاوية الواسعة Wide Angle و دي 8 ميجا بكسل بفتحة عدسة F/2.2 الثالثة 5 ميجا بكسل للماكرو و الرابعة 2 ميجا بكسل للعزل و البورتريه
التخزين: 32/64 جيجا ذاكرة داخلية 3/4 جيجا رام
البطارية: 5020mAh بتدعم الشحن الشريع 18 وات
الموبايل متاح للحجز من يوم 12 و التسليم يوم 16:
النسخة 32 من 3 جيجا رام بسعر 2222
النسخة 64 مع 4 جيجا رام بسعر 2499
دي كانت المواصفات نيجي بقا للمقارنة و طبعاً مفيس في الفئة غير Realme C3 و C3i
ده طبعاً يتفوق في المعالج الـ G80 ال C3 اللي بـ G70
يتفوق بكاميرا الزاوية الواسعة Wide Angle اللي مش موجودة في C3 أصلاً
الشاشة الـ FHD+ و اللي لأول مرة نشوفها في الفئة دي
و يتفو بردو في الشحن السريع اللي بقوة 18 واط لكن هتحتاج تشتريه لأن اللي في العلبة 10 واط فقط و 20 mAh في البطارية D:
بصفة عامة المةبايل ده يتفوق علي ريلمي C3 و C3i كأرقام و دي مقارنه تانية بينه و بين Realme 6i
الاتنين بمعالج G80 بيقدموا أداء محترم جداً
أما بالنسبة للكاميرات فهنا في تفوق بسيط ل Realme 6i لأن هنا الكاميرا الاساسية 48 ميجا بكسل و ليس 13 و الكاميرا الأمامية 16 و ليس 8
بالنسبة للشاشة Redmi 9 يتفوق لأن الشاشة FHD+ علي عكس Realme 6i اللي شاشته HD+
في تفوق بسيط للريلمي 6i للنسخة الـ 128 و اللي مش موجودة في Redmi 9
لكن طبعاً Redmi 9 يتفوق في السعر بفرق ملحوظ
باقي المواصفات تقريباً زي بعضها و الفروقات طفيفة جداً
بشكل عام الموبايل بيقدم نقله في الفئة الاقتصادية و ده كويس لأن بكده باقي الشركات هتركز أكتر علي الفئة دي لكن هل فعلاً الموبايل ده أفضل موبايل هو ممكن اه و ممكن لأن زي كل مرة ده كله أرقام يعني كلام علي ورق و اللي هيفرق بجد هو السوفت وير و التجربة الفعلية هي اللي بتحدد مين الأفضل و الحقيقة شايف أن ريلمي بتقدم سوفت وير أفضل و أكثر استقراراً علي عكس شاومي اللي جاءت في الفترة الأخيرة و بقت بتقدم سوفت وير مش أفضل حاجة و مش مستقر اطلاقاً و ممكن يكون سبب في أن Realme C3 يكون خيار أفضل لأن أنا مش مستفيد حاجة من شوية الأرقام اللي علي الورق دي أن اللي يفرق معايا بجد الواجهة و تجربة المستخدم
بس كده ده كان موضوع بسيط عن Redmi 9 متنساش بقا تتابعنا علشان يوصلك كل جديد
تعليقات