شركةOppo نزلت تليفونها الجديد Oppo Reno 5 4G واللي يعتبر تحديث لتليفون اتكلمنا عنه قبل كدا وهو الـ Oppo Reno 4 والتطوير والتحسين في التليفون دا في فرق كبير ظهر في الكاميرات اللي تم تطويرها وتحسينها بشكل كبير ودا شئ احنا متعودين علية من شركة Oppo وكمان الشحن السريع اللي وصل لحد 50 واط مع اضافة خاصية الـ Super VOOC ومش هحرق اكتر من كدا ويلا نشوف المواصفات والسعر.
1-المعالج: المعالج بيجي من نوع Snapdragon 720G مع معالج رسومي من نوع Adreno 618 والمعالج دا شوفناه قبل كدا في تليفونات من شركة Oppo في Oppo Reno 4 وكمان من شركة Xiaomi في تليفونها Xiaomi Redmi Note 9 Pro وهو بيطلع اداء كويس بس طبغا كنا نتمني معالج افضل لانه تليفون اعلي مع دعمه لخاصية Game Mode عشان تجربة الالعاب تبقي افضل.
2-الشاشة: الشاشة بتيجي علي شكل الثقب بمساحة 6.4 انش بجودة FHD+ بدقة 2400 بكسل والشاشة من نوع AMOLED وبتدعم تردد الـ 90Hz وتقدر تقلله لـ 60Hz عشان تحافظ علي البطارية شوية مع وجود طبقة حماية من نوع Corning Gorilla Glass عشان تحافظ علي الشاشة.
3-الكاميرات: الكاميرا الامامية بتيجي بدقة 44 ميجا بكسل بفتحة عدسة F/2.4
الكاميرا الخلفية بتيجي رباعية اول كاميرا بتيجي بدقة 64 ميجا بفتحة عدسة F/1.7 وهي الكاميرا الاساسية اما الكاميرا التانية بتيجي بدقة 8 ميجا بكسل بفتحة عدسة F/2.2 وهي الخاصة بالتصوير الواسع اما الكاميرا التالتة بتيجي بدقة 2 ميجا بكسل بفتحة عدسة F/2.4 وهي الخاصة بالتصوير الماكرو اما الكاميرا الرابعة والاخيرة بتيجي بدقة 2 ميجا بكسل بفتحة عدسة F/2.4 وهي الخاصة بالعزل والبورترية مع فلاش جانبي من نوع Led Flash.
4-المساحة: التليفون بيجي بنسخة واحدة بمساحة 128 جيجا مع 8 جيجا رام.
5-البطارية: البطارية بتيجي بسعة 4310 ملي امبير وبتدم الشحن السريع بقوة 50 واط بخاصية الـ Super VOOC والشاحن اللي بيجي في العلبة بقوة 65 واط ولكن بيشحن بقوة 50 واط بكفاءة وسرعة.
بانسبة للتصوير الكاميرا الامامية بتدعم تصوير الفيديوهات بجودة FHD بدقة 1080 بكسل وكمان بدقة HD بدقة 720 بكسل وبتدعم كما التصوير الـ Slow Motion بجودة FHD بدقة 1080 بكسل وكمان بجودة HD بدقة 720 بكسل والكاميرا الخلفية بتدعم تصوير الفيديوهات بجودة 4K بدقة 2160 بكسل وكمان بجودة FHD بدقة 1080 بكسل وبجودة HD بدقة 720 بكسل وبتدعم التصوير الـ Slow Motion بجودة FHD بدقة 1080 بكسل وبجودة HD بدقة 720 بكسل وانا قولت في المقدمة ان الكاميرا تم تطويرها بشكل كبير وتقدر تركب شريحتين اتصال في وقت واحد وممكن تركب كارت ميموري الخامات من البلاستيك المصنفر عشان يغير شوية في شكل التصميم والبصمة بتيجي تحت الشاشة وبيدعم خاصية الـ Face Unlock والتليفون بيجي بأحدث نظام تشغيل Android 11 واحدث واجهه من Oppo وهي الـ ColorOS 11.1 وبيجي منه لونين اسود وفضي.
6-السعر: السعر اللي متوقع ان يتم اعلانة للنسخة الوحيدة 128 جيجا مع 8 جيجا رام هو 6000 جنية
ملحوظة: التليفون في نسخة اعلي منه اسمها Oppo Reno 5 5G نفس المواصفات ولكن اختلاف في المعالج اللي بيجي من نوع Snapdrago 765G وشوية اختلافات بسيطة لدرجة لا تذكر والسعر المتوقع هو 8000 جنيةللنسخة الوحيدة 128 جيجا مع 8 جيجا رام
ومتنساش تعمل اشتراك عشان يوصلك كل جديد وامتب كومن بنوع التليفون اللي عايزني اتكلم عنه المرة الجاية.
تعليقات