بعد نجاح اللي حققه Realme c3 شركة ريلمي قررت تنزل الأخ الأصغر ليه و هو Realme c3i علشان يكمل مسيره نجاحه و تقدر تسيطر علي الفئة الاقتصادية
الموبايل ده ممكن نعتبره نسخة صغيرة من Realme C3 لأنه تقريباً نفس المواصفات الداخلية مع شوية تنازلات بسيطة كده علشان يقلله من سعره هنعرض مقارنه بسيطة بين الاتنين و في الأخير هقولكم رأيي الشخصي
بيجي بنفس المعالج Helio G70 و المعالج الرسومي Mali-G52 الاتنين بشاشة HD+ بحجم 6.5 انش و طبعاً IPS
ماشي طب ايه الفرق علشان اكون صريح معاك هي فروقات بسيطة جداً يعني هم استغنوا عن الكاميرا الثالثة الللي في Realme C3 الخاصة ب الماكرو و بقوا كاميرتين فقط و استغنوا عن البصمة اللي في الظهر و التخزين الداخلي بقا 32 بدل 64
بالنسبة للسعر فهو 2190 بدلاً 2390 يعني فرق 200 جنيه
و هيكون متاح في جوميا بسعر 2090
رأيي الشخصي: أنا شايف أن الفرق بينهم مش كبير يمكن الشيء اللي هتفتقده هو البصمة لو مش فارق معاك يبقا أنت أولي بـ 200 جنيه الفرق غير كده الـ Realme C3 هيكون أفضل
بس كده دي كانت مقارنة بسيطة كده بين Realme C3 و Realme C3i يا ريت متنساش تقولنا في التعليقات ايه افضل موبايل في رايك من 2000 لـ 2500 و هل ممكن تشتري Realme C3i و لا C3 هيكون افضل؟
تعليقات