تليفون النهاردة من شركة Samsung وهو اضافة جديدة لسلسة الـ M وكمان يعتبر تطوير للتليفون اللي قبلة واللي حقق نجاح كبير وهو ال Samsung Galaxy M51 ولكن نجم النهاردة هو الـ Samsung Galaxy M62 واللي بيفرق في المعالج الاحسن وشاشة احسن ويلا نشوف المواصفات كاملة.
1-المعالج: المعالج بيجي من نوع Exynos 9825 مع معالج رسومي من نوع Mali-G76 MP12 والمعالج دا شوفناه قبل كدا في الـ Samsung Galaxy Note 10 Plus والمعالج من تصنيع الشركة نفسها وبيدي اداء ممتاز.
2-الشاشة: الشاشة بتيجي بمساحة 6.7 انش بجودة FHD+ بدقة 1080 بكسل وبتيجي من نوع Super AMOLED Plus والشاشة من النوع دا بالذات بتدعم الـ Dark Mode بشكل وطريقة عرض افضل.
3-الكاميرات: الكاميرا الامامية بتيجي بدقة 32 ميجا بكسل بفتحة عدسة F/2.2
الكاميرا الخلفية رباعية الكاميرا الاولي بتيجي بدقة 64 ميجا بكسل بفتحة عدسة F/1.8 وهي دي الكاميرا الاساسية اما الكاميرا التانية بتيجي بدقة 12 بفتحة عدسة F/2.2 وهي دي الخاصة بالتصوير الواسع اما الكاميرا التالتة بتيجي بدقة 5 ميجا بكسل بفتحة عدسة F/2.4 ودي الخاصة بالتصوير الماكرو اما الكاميرا الرابعة والاخيرة بتيجي بدقة 5 ميجا بكسل بفتحة عدسة F/2.4 ودي الخاصة بالعزل والبورترية مع فلاش احادي من نوع Led Flash.
4-المساحة: التليفون بيجي منه نسختين اول واحد بتيجي بمساحة 128 جيجا مع 8 جيجا رام والنسخة التانية بتيجي بمساحة 256 جيجا مع 8 جيجا رام.
5-البطارية: البطارية كبيرة بسعة 7000 مللي امبير وبتدعم الشحن السريع بقوة 25 واط وممكن تشغل التليفون كـ باور بانك
التليفون بيدعم تصوير الفيديوهات بجودة 4K بدقة 2160 بكسل وكمان بجودة FHD بدقة 1080 بكسل واخيرا بجودة HD بدقة 720 بكسل والبصة بتيجي مدمجة في زرار الباور وبيدعم الـ Face Unlock وممكن تركب شريحتين اتصال في وقت واحد وممكن تركب كارت ميموري وبالنسبة للخامات بتيجي من البلاستيك بس هو متين عشان يستحمل سواء في الظهر او الفريم وبيجي بأحدث نظام تشغيل Android 11 واحدث واجهه من Samsung وهي One UI 3.1 والتليفون بيجي منه تلات الوان اخضر ورمادي وازرق .
6-السعر: التليفون لسة منزش مصر بس خلال الفترة اللي جاية هينزل والعر المتوقع هو 6700 جنية لوحدة من النسختين.
ومتنساش تعمل اشتراك عشان يوصلك كل جديد واكتب كومنت بنوع التليفون اللي عايزني اكتب عنة المرة الجاية.
تعليقات