مفاجأة شركة Xiaomi في مصر والتليفون العظيم اللي هينزل اليومين اللي جايين وهو الـ Xiaomi Redmi Note 10 وهو يعتبر التحديث للتليفون اللي قبلة اللي هو Xiaomi Redmi Note 9 واللي عمل ضجة بسبب الكاميرات والاداء بس التليفون بتاع انهاردة هيعمل ضعف اللي اتعمل في النسخة التانية بسبب الشاشة والبطارية والكاميرات وكمان المعالج ويلا نشوف المواصفات والسعر.
1-المعالج: التليفون بيجي بمعالج من شركة كوالكم من نوع Snapdragon 678 مع معالج رسومي من نوع Adreno 612 والمعالج دا كويس جدا.
2-الشاشة: الشاشة بتيجي من نوع Super AMOLED علي شكل الثقب بجودة FHD+ بدقة 1080 بكسل بمساحة 6.43 انش والشاشة بتدعم عدة خاصيات منها الـ Standard Mode والـ Sunlight Mode وكمان الـ Always On Display وطبعا خاصية الـ Dark Mode وبتيجي عليها طبقة حماية من نوع Gorning Gorilla Glass الجيل التالت.
3-الكاميرات: الكاميرا الامامية بتيجي بدقة 13 ميجا بكسل بفتحة عدسة F/2.5
الكاميرا الخلفية رباعية الكاميرا الاولي بتيجي بدقة 48 ميجا بكسل بفتحة عدسة F/1.8 وهي دي الكاميرا الاساسية والكاميرا التانية بتيجي بدقة 8 ميجا بكسل بفتحة عدسة F/2.2 وهي الخاصة بالتصوير الواسع والكاميرا التالتة بتيجي بدقة 2 ميجا بكسل بفتحة عدسة F/2.4 وهي الخاصة بالتصوير الواسع والكاميرا الرابعة والاخيرة بتيجي بدقة 2 ميجا بكسل بفتحة عدسة F/2.2 وهي الخاصة بالعزل والبورترية.
4-المساحة: التليفون بيجي منه تلات نسخ الاوالي بتيجي بمساحة 64 جيجا مع 4 جيجا رام والنسخة التانية بمساحة 128 جيجا مع 4 جيجا رام والنسخة التالتة بمساحة 128 جيجا مع 8 جيجا رام.
5-البطارية: البطارية بتيجي بسعة 5000 مللي امبير وبتدعم الشحن السريع بقوة 33 واط.
التليفون بيدعم بيدعم تصوير الفيديوهات بجودة 4K بدقة 2160 بكسل وبجودة FHD بدقة 1080 بكسل وكمان بجودة HD بدقة 720 بكسل وبيدعم وضع التصوير الـ Slow Motion بجودة HD بدقة 720 بكسل والسماعات بتدعم صوت الاستريو عشان تجربة الصوت تبقي افضل وبالنسبة لوسائل الامان البصمة بتيجي في مدمجة في زرار الباور وطبعا خاصية الـ Face Unlock والتليفون بيشغل شريحتين اتصال فيوقت واحد وكمان كارت ميموري في مكان منفصل والخامات بتاعت التليفون من البلاستيك والظهر مضاد للمياة الخفيفة بشهادة من IP53 وبيجي باحدث نظام تشغيل Android 11 واحدث واجهه من شاومي MIUI 12 وبيتوفر منه تلات الوان اخضر وابيض واسود.
6-السعر: الاسعار دي المتوقعة هنا في مصر بالنسبة للخارج النسخة الاولي الـ 64 جيجا مع 4 جيجا رام بسعر 3100 جنية والنسخة التانية الـ 128 جيجا مع 6 جيجا رام بسعر 3600 جنية وهيتم الاعلان عنه في مصر اليومين اللي جايين.
ومتنساش تعمل اشتراك عشان يوصلك كل جديد واكتب كومنت بنوع التليفون اللي عايزني اتكلم عنه المرة الجاية.
تعليقات