فرد جديد في عيلة الـ Galaxy A وهي سلسلة مفضلة من Samsung في الفئة المتوسطة وتليفون انهاردة هو الـ Samsung Galaxy A32 واللي بيجي بمزات كويسة زي الشاشة وجودتها وكمان البطارية بس فيه عيب واحد من وجهه نظري ويلا نعرف السعر والمواصفات وكمان اي هو العيب.
1-المعالج: المعالج بيجي من شركة ميديا تك من نوع Mediatek Helio G80 مع معالج رسومي من نوع Mali-G52 MC2 والمعالج دا شوفناه في تليفونات قبل كدا وكانت ارخص من التليفون دا فرق 1000 او 500 جنية زي الـ Xiaomi Redmi 9 وكمان الـ Realme 6i وكمان الـ Infinix Note 8 ودا يتحسب عيب علي الشركة.
2-الشاشة: الشاشة بتيجي من نوع Super AMOLED بجودة FHD+ بدقة 1080 بكسل وبمساحة 6.4 انش علي شكل الـ Water Drop وبتدعم الـ 90Hz وعليها طبقة حماية من نوع Corning Gorilla Glass الجيل الخامس وطبعا الشاشة دي بتدعم الـ Dark Mode بشكل افضل.
3-الكاميرات: الكاميرا الامامية بتيجي بدقة 20 ميجا بكسل بفتحة عدسة F/2.2
الكاميرا الخلفية رباعية الكاميرا الاولي بتيجي بدقة 64 ميجا بكسل بفتحة عدسة F/1.8 وهي دي الكاميرا الاساسية والكاميرا التانية بتيجي بدقة 8 ميجا بكسل بفتحة عدسة F/2.2 وهي دي الحاصة بالتصوير الواسع والكاميرا التالتة بتيجي بدقة 5 ميجا بكمسل بفتحة عدسة F/2.4 وهي دي الخاصة الماكرو والكاميرا الرابعة والاخيرة بتيجي بدقة 5 ميجا بكسل بفتحة عدسة F/2.4 وهي دي الخاصة بالعزل والبورترية.
4-المساحة: التليفون بيحي منه نسخة واحدة بس بمساحة 128 جيجا مع 6 جيجا رام.
5-البطارية: البطارية بتيجي بسعة 5000 مللي امبير وبتدعم الشحن السريع بقوة 15 واط.
التليفون بيدعم تصوير الفيديوهات بجودة 4K بدقة 2160 بكسل وكمان بجودة FHD بدقة 1080 بكسل وفيه مايكروفون ثانوي لعزل الصوت من الضوضاء وتحسين الصوت اثناء استخدام التيليفون بشكل عام والبصة بتيجي تحت الشاشة وبيشغل شريحتيتن اتصال في وقت واحد وكمان كارت ميموري والخامات كلها من البلاستيك سواء في الظهر او الفريم وبيجي بأحدث نظام تشغيل Android 11 واحدث واجهه من سامسونج One UI 3.0 وفي منه اربع الوان اسود وابيض وبنفسجي وازرق.
6-السعر: السعر المتوقع في مصر للنسخة الوحيدة 128 جيجا مع 6 جيجا رام هو 4500 جنية والتليفون هينزل مصر في اخر شهر مارس.
ومتنساش تعمل اشتراك عشان يوصلك كل جديد واكتب كومنت بنوع التليفون اللي عايزني اتكلم عنه المرة الجاية.
تعليقات