شاومي Redmi note 9:
يعتبر ده يعتبر منافس قوي جدا لRealme 6i من حيث التسعير و المواصفات.
التصميم:
نفس تصميم Redmi note 9s من الظهر لكن تم نقل البصمة من زر الباور إلي الظهر مع مربع الكاميرات و تم إخراج الفلاش خارج هذا المربع أما من الأمام تم نقلالثقب من وسط الشاشة إلي جانب الشاشة مثل Realme 6
المعالج:
Mediatek Helio G85 معالج قوي جداً في الفئة الإقتصادية و شوفنا بالنسخة الأعلي منه G90T في Redmi note 8 pro و كان وحش الفئة المتوسطة و حقق أرقام عالية جداً علي antutu benchmark و مازال محافظ علي الأداء.
التخزين:
نسخة 128 مع 4 جيجا رام و نسخة64 مع 3 جيجا رام.
الكاميرا:
الكاميرا الأساسية 48 ميجا بكسل الثانية 8 ميجا بكسل للتصوير بزاوية واسعة wide angle الثالثة كاميرا ماكرو 2 ميجا بكسل الرابعة 2 ميجا بكسل للعزل و البورتريه يعني نفس كاميرات Realme 6i و Redmi note 8 كاميرا كويسة جداً و بتقدم أداء محترم في الفئة دي زي المنافسين.
الشاشة:
الشاشة بمساحة 6.53 بوصة من نوع IPC LCD بدقة FHD+ بها ثقب صغير للكاميرا الأمامية مع طبقة حماية Gorilla glass 5.
البطارية:
بطارية ضخمة بحجم 5020 mA نفس بطارية Redmi note 9s.
بشكل عام الموبايل يعتبر نقلة ثورية منRedmi note 8 و يعتبر منافس قوي جداً ل Realme 6i من حيث المواصفات و الداخلية مع اختلافات بسيطة:
الفرق بين Redmi note 9 و Realme 6i
المعالج G85 بدلا من G80 بس قرببين جداً في الأداء مجرد اختلاف أرقام.
الشاشةتأتي بدقة FHD+ بدلا من HD+ و طبقة الحماية من جيل الخامس بدلا من الجيل الثالث.
البطارية 5020 بدلا من 5000مجرد رقم و مش هيفرق في حاجة العامل المؤثر هو السوفت وير.
مع بعض الإضافات اللي بتميز شاومي زي:
IR الخاص بالتحكم في الأجهزة الكهربائية.
لمبة الإشعارات.
نيجي بقا لأخر نقطة و اللي الناس كلها كانت منتظراها و هي السعر:
الموبايل تم الإعلان عن سعره امبارح و متاح للحجز في فروع شاومي و المحلات اللي معاها توكيل و معاها هدية Redmi Air Dots و الأسعار كالأتي:
بالنسبة للنسخة 64 مع 3 جيجا رام بتيجي بسعر 2777 يعني 113 عن المنافس Realme 6i اللي بسعر 2890.
اما النسخة 128 مع 4 جيجا رام بتيجي بسعر 3099 يعني فرق 300 جنيه عن Realme 6i اللي بسعر 3390 ممكن التسعير ألش شوية من Realme في النسخة دي بس بردو الفرق الحقيقي في السوفت وير و هو يعتبر أقوي منافس لو جيت تقارنه بالمنافسين Samsung A21s أو Oppo A31 هتلاقي ان Realme 6i النسخة 64 و Redmi note 9 النسخة 64 هم أقوي موبايلين تحت 3000 جنيه بين 3000 و 3500 نلاقي بردو Realme 6i النسخة 128 و Redmi note 9 النسخة 128و Samsung A21s لانه Exynos 850 من أقوي المعالجات في الفئة دي و قريب جداً من G80 موبايل محترم جداً و يار يا ريت سامسونج تستمر كده. أما بالنسبة لOppo a31 فأنا شايفه موبايل ملوش لازمة و منصحش حد يشتريه لأن في منافسين أقوي منه بكتير.
يعني من الأخر لو عايز تشتري موبايل:
من 3700 ل 3000 قدامك Realme 6i و Redmi note 9.
من 3000 ل 3500 قدامك Realme 6i و Redmi note 9 و Samsung A21s.
دلوقتي القرار هيقف عندك انتا هل انت بتحب ريلمي و لا شاومي و لا سامسونج.
تعليقات