المعالج: التليفون ده بيجي معالج من نوع Exynos 990 مع معالج رسومي من نوع Mali-G77 MP11
الشاشة: الشاشه بتيجي على شكل الثقب على هيئه حرف الـ O وبتيجي من النوع dynamic AMOLED 2X والشاشه بمساحه 6.2 انش بجوده QHD+ بدقة 1440 بكسل وتم تحسين حواف الشاشه بصوره واضحه مقارنه بالتليفونات اللي قبل كده وكمان في طبقه حمايه من نوع Croning gorilla glass الجيل السادس والشاشه بتدعم الـ HDR10+ وكمان بتدعم خاصيه الـ 60 HZ والـ 120HZ و لما بتستخدم خاصيه الـ 120HZ بتقل جوده الشاشه لـ FHD بدقة 1080
الكاميرات: الكاميرا الاماميه بتيجي بدقه 10 ميجا بكسل ب فتحه عدسه F/2.2
الكاميرا الخلفيه بتيجي بثلاث كاميرات الكاميرا الاولى بدقه 12 ميجا بكسل ب فتحه عدسه F/1.8 و بتدعم المثبت البصري الـ OIS وهي دي الكاميرا الاساسيه اما الكاميرا الثانيه بتيجي بدقه 64 ميجا بيكسل ب فتحه عدسه F/2.0 وهي دي الكاميرا الخاصه بالتقريب حتى 3X حقيقي وحتى 30X ديجيتال والكاميرا ودي ب تدعم خاصيه الـ OIS اما الكاميرا الثالثه بتجي بدقة 12 ميجا بكسل ب فتحه عدسه F/2.2 وهي الخاصه بالتصوير العريض او الـ Ultra Wide وبتاعت عن تثبيت اثناء تصوير الفيديوهات الـ Super Steady video مع فلاش احادي جنب الكاميرات من فوق.
المساحة: التليفون بيجي بنسخه واحده بمساحه 128 جيجا مع 8 جيجا رام
البطارية: البطاريه واللي شركه سامسونج طورتها عشان يبقى في وقت اطول في استخدام البطاريه وبتجي بسعة 4000 مللي امبير وبتدعم الشحن السريع بقوه 25 و تدعم الشحن الـ wireless بقوة 15 واط والشحن اللاسلكي العكسي بقوة 9 واط
التليفون بيدعم تصوير الفيديوهات بجوده 8K بدقة 3240 بكسل وكمان بيدعم تشوف الفيديوهات بجوده 4K بدقة 2160 بكسل وتصوير الفيديوهات الـ FHD بدقة 1080 بكسل والتليفون بيجي بمايكروفون ثانوي عشان يعزل الضوضاء وتحسين الصوت تستخدام التليفون عامة وبيدعم التليفون تركيب شريحتين اتصال في وقت واحد وطبعا التليفون بيج مقاوم للمياه والتراب زي ما شركه سامسونج بتعمل دايما في التليفونات الغاليه والخامات بتاعت التليفون من الزجاج مع اطار من الالومنيوم وبيدعم تركيب كارت ميمورى لحد 1 تيرا ولكن لازم تستغني عن شريحه من الاثنين عشان تركب الميموري والبصمه بتيجي في الشاشه وكمان بيدعم مشاركه البيانات عن طريق الـ Samsung DEX وبيجي بنظام التشغيل Android 10 وواجهه سامسونج الاحدث One UI 2 التليفون في منه ثلاث الوان وهم رمادي وازرق وبينك
.
السعر: التليفون بيجي نسخه واحده بمساحه 128 جيجا مع 8 جيجا رام بسعر رسمي 12100
ولو عجبتك مقالتنا ما تنساش تعمل اشتراك من فوق عشان يوصل لك اشعار اول ما انزل موضوع جديد.
تعليقات