من يومين شركة Samsung اعلنت عن تليفون جديد في سلسله الـ Fold التليفونات القابله للطي واللي حققت نجاح كبير بسبب التكنولوجيا اللي موجودة في الاجهزة دي والتليفون اللي نزل دا اسمه Samsung galaxy Z fold 3 وهو مش الجيل التالت زي اسمه لا هو المفروض انه الجيل التاني بس الشركة شايفة ان الإمكانيات والتطور اللي حصل في التليفون مش هينفع يسموه Fold 2 عشان كدا غيرو الاسم لـ Fold 3 ويلا نعرف مواصفات وسعر الجهاز دا.
1_ المعالج: المعالج بيجي من شركة كوالكم من نوع Snapdragon 888 دالمعالج دا زي اللي موجود في جهاز الـ Xiaomi Mi 11 وكمان في جهاز الـ Oppo find X3 pro والمعالج دا ادائه كويس ومعالج رسومي من نوع Adreno 660 عشان الاداء الممتاز في الالعاب او استخدام التليفون عمتا.
2_الشاشة: التليفون بيجي بشاشتين الاولي والكبيرة بتجي كامله لان الكاميرا الامامية تحت الشاشة بالكامل والشاشة بتيجي من نوع Foldable Dynamic Amoled 2X وبمساحة 7.6 انش مع معدل تحديث لمس الشاشة 120HZ والشاشة بتدعم خاصية الـ HDR10+ وبالنسبة للشاشة التانية بتيجي بدقة HD+ بمساحة 6.2 انش وبردو بتدعم خاصية الـHDR10+ والشاشة عليها طبقة حماية من نوع Corning Gorilla glass Vitus والشاشة القابلة للطي بقت اقوي بنسبة 80% من الجيل الاول عشان كدا الشركة غيرت الاسم زي ما قولنا في المقدمة.
3_ الكاميرات: الكاميرا الامامية مدفونه تحت الشاشة بالكامل وبتجي بدقة 16 ميجا بكسل بفتحة عدسة F/1.8 وعند طي الجهاز بتبقي بدقة 10 ميجا بكسل بفتحة عدسة F/2.2.
الكاميرا الخلفيه ثلاثية الكاميرا الاولي بتجي بدقة 12 ميجا بكسل بفتحة عدسة F/1.8 وبتدعم خاصية المثبت البصري الـ OIS وهي الكاميرا الأساسية والكاميرا التانية بتيجي بدقة 12 ميجا بكسل بفتحة عدسة F/2.4 وهي الخاصة بالزوم لحد 2X من غير ما الدقة تقل او تروح والكاميرا التالته والأخيرة بتيجي بدقة 12 ميجا بكسل بفتحة عدسة F/2.2 وهي الخاصة بالتصوير الواسع او الـ Wide Angle مع فلاش احادي تحت الكاميرات.
4_ المساحة: التليفون بيجي بنسخة واحدة بس بمساحة 256 جيجا مع 12 جيجا رام
5_ البطارية: اليطارية هنا حجمها 4400 مللي امبير هي صغيرة شوية بس المعالج قادر انه يوفر الاستهلاك وبتدعم الشحن السريع بقوه 25 واط والشحن اللاسلكي بقوه 11 واط والشحن اللاسلكي العكسي بقوه 4.5 واط.
الجديد في التليفون دا عن اللي قبله انه بيدعم الـ S Pen بس مش بيجي مع التليفون وبتشتريه منفصل عن التليفون والتليفون بيدعم شريحتين اتصال وبيدعم الـ 5G وبيجي مقاوم للمياه بشهادة IPX8 بعمق متر ونص تحت المياه ولمدة 30 دقيقة بالنسبة للخامات بيجي من الزجاج في الضهر والالمونيوم في الفريم مع حمايه علي الضهر من نوع Corning Gorilla Glass Victus الكاميرات بتدعم التصوير الـ 4K بدقة 2160 بكسل وكمان بجودة FHD بدقة 1080 بكسل وبجودة HD بدقة 720 بكسل وبتدعم التصوير الـ Slow Motion بجودة FHD بدقة 1080 بكسل ةبجودة HD بدقة 720 بكسل فيه ميكروفون لعزل الصوت والبصمه مدمجة في زرار الباور والسماعات بتيجي بخاصية الاستريو وبيجي بنظام تشغيل Android 11 مع واجهه Samsung الاحدث One UI 3.5 والتليفون متوفر منه تلت الوان اللون الفضي والاخضر والاسود.
6_ السعر: التليفون بيجي النسخه الوحيدة منه بسعر 30500 جنية.
تعليقات