حالات كورونا اليوم

بعد كثير من التسريبات شركة ريلمي أخيراً بتقرر تعلن عن أحدث موبايلتها في الفئة الرائدة Realme X3 Super Zoom و بكده يكون أحدث موبايل ليها في سلسلة الـX (X-series) هنبدأ بالمواصفات و بعد كدا هقول رأيي فيه و نقارنه بالموبايلات اللي نفس فئته السعرية

وزن الموبايل 202 جرام

الأبعاد 163.8×75.8×8.9مم

بيدعم تركيب شريحتين اتصال 4G بس مش بيدعم تركيب كارت ميموري

المعالج:

الموبايل بييجي بمعالج من كوالكم Snapdragon 855+ و معالج رسومي Adreno 740

الشاشة:

الشاشة من نوع IPS LCD بحجم 6.6انش بجودة FHD+ و نسبة استحواز 90.5% من حجم الموبايل و أبعاد 20:9 و تردد 120Hz

الكاميرات:

و دي هي نقطة التفوق اللي في الموبايل

بييجي بأربع كاميرات الكاميرا الأساسية 64MP بفتحة عدسة f/1.8 الكاميرا التانية 8MP Periscope telephoto بفتحة عدسة f/3.4 علشان تقدر تعمل 5x optical zoom يعني من غير متفقد أي تفاصيل و تقدر تعمل 60x زوم عن طريق السوفت وير  الكاميرا الثالثة 8MP بفتحة عدسة f/2.3 علشان الزاوية الواسعة Wide Angle أما الكاميرا الرابعة 2MP بفتحة عدسة f/2.4 علشان الماكرو Macro الموبايل بيدعم تصوير فيديوهات 2160@60fps مع مثبت الكتروني

أما عن الكاميرا الأماية فهو بييجي بكاميرتين الأساسية 32MP بفتحة عدسة f/2.5 و التانية زاوية واسعة Wide Angle 8MP بفتحة عدسة f/2.2 الموبايل بيدعم تصوير الفيديوهات 1080@30fps مع مثبت الكتروني

التخزين:

في نسختين نسخة 128 جيجا ذاكرة داخلية مع 8 جيجا رام

و نسخة 256 ذاكرة داخلية مع 12 جيجا رام

التصميم:

الموبايل بييجي بتصميم تقليدي أربع كامرات في الجنب بس في فريم ذهبي حول الكاميرا الأولي ده بالنسبة للظهر الشاشة من الأمام نفس تصميم Realme 6 Pro و بالنسبة للبصمة فهي موجودة في زرار الباور

البطارية:

بطارية 4200mAh و شاحن 30W و حسب كلام الشركة فهي بتشحن من 0% لـ 100% في 55 دقيقة

السعر:

500  يورو يعني تقريباً 9000 جنيه مصري للنسخة 256 بس مفيش أخبار عن سعر النسخة 128

بالنسبة بقا لرأيي الشخصي عن الموبايل ده:

الحقيقة أنا شايف أن الموبايل مش بيقدم أي شيء جديد عن Realme X2 Pro بالعكس ده في بعض العيوب:

أول حاجة المعالج بالرغم من أنه بيقدم أداء محترم جداً و كان أقوي معالج أندرويد السنه اللي فاتت لكن للأسف مش بيدعم الـ 5G و في حاجة زي Poco X2 Pro هيكون خيار أفضل

العيب التاني أن بالرغم من أن الشاشة 120Hz لكن IPS و كان الأفضل تبقا Amoled حتي لو هيقللوا تردد الشاشة لـ 90Hz 

التسعير أنا شايف أنه مرتفع شوية مقارناً بـ Realme X2 Pro و Poco F2 Pro لأن في الحقيقة Realme X2 Pro تقريباً نفس المواصفات الداخلية بخلاف تردد الشاشة  و الكاميرات بس هتكون الشاشة Amoled و أعتقد هيكون خيار أفضل و بسعر أقل أما بالنسبة للـ Poco X2 Pro فهو بييجي بمعالج Snapdragon 865 و اللي بيدعم الـ 5G و اعتقد التردد مش هيفرق معاك لأن الشاشة Amoled

بالنسبة بقا للمميزات فهي ممكن تكون الكاميرا اللي بتدعم 60x زوم أنا مش شايف أي مميزات تانيه

و بس كده يا ريت بقا تكتبلنا في التعليقات لو معاك 10000 جنيه و بتفكر تشتري موبايل هتشتري ايه