التحقق بخوطتين دي ميزة بتقدمها معظم المواقع علي الانترنت لأنها بتقدم نظام أمان عالي لحسابك علي الانترنت، ليه يعني بتعمل ايه دلوقتي في هاكر قدر يوصل الايميل و الباسورد بتاعك بالتصيد الاحتيالي (phishing ) أو طريقة تانية بمجرد أنه هيعمل login يكون وصل لحسابك و يقدر يعمل كل اللي هو عايزه، طب ايه بقا اللي بتقدمه ميزة التحقق بخوطتين؟
بتقدم طريقة جديدة لحماية حسابك يعني بعد لما تكتب الايميل و الباسورد و تضغط login خيال منك كود بوصلك في رسالة علي موبايلك أو بتجيبه من برنامج authenticitor الكود ده بيتغير كل مرة تعمل login يعني بدل ما كنت لتسجل دخول عن طريق الايميل و الباسورد لا انت دلوقتي لازم الكود اللي بيوصلك ده علشان تعمل login
خلاص عرفت ايه اهميتها دلوقتي بقا نشوف ازاي تشغلها انا نشرح علي فيسبوك و باقي المواقع قريبة منه مفيش اي اختلاف:
فيسبوك (facbook)
أول حاجة نفتح إعدادات الحساب (Settings).
بعد كده تختار الأمان و تسجيل الدخول (Security and Login)
بعد كده تختار المصادقة الثنائية (Use two-factor authentication)
تختار تطبيق مصادقة أو رسالة نصية و تعمل متابعة (تقدر تعمل الاتنين)
عن نفسي هختار تطبيق مصادقة
هتنزل تطبيق مصادقة زي Google authenticitor أو Microsoft authenticitor انا بفضل Microsoft علشان فيه تخزين سحابي و تقدر توصله لو مسحت التطبيق او عملت ضبط مصنع للموبايل اللي عليه التطبيق بس هتحتاج حساب في Microsoft علشان ميزة زي دي و الكلام ده عن تجربة Google مفيش تخزين سحابي و مش هقدر توصل للحسابات اللي عليه و ممكن تريح نفسك و تختار رسالة نصية اعتقد مفيش اسهل من كده بس المشكلة لو انت في منطقة شبكتها ضعيفة
ما علينا اختار اي طريقة انت عايزها
هكمل بتطبيق Microsoft authenticitor لو هتنزل التطبيق علي موبايل او جهاز تاني هتستخدم QR code الللي هيظهر معاك و هتمعله مسح من التطبيق لو علي نفس الموبايل هتنسخ الكود اللي هيظهر تحت و من التطبيق هتعمل إضافة حساب و تعمل لصق الكود بعد كده هتعمل متابعة و تاخد الكود من تطبيق المصادقة و تعمل تكتبه في فيسبوك و تعمل انهاء بس كده لكن يفضل تضيف رسالة نصية للامان فقط لأن لو حصل اي مشكلة في تطبيق المصادقة مش هتعرف توصل للحساب تاني بس كده يا ريت لو عندك اي سؤال او اكتب لنا في التعليقات و متنساش تشير اللينك علي فيسبوك علشان يوصل لأكبر عدد ممكن
تعليقات