شركة Honor نزلت تليفون جديد بمواصفات عالية عشان تحتل الفئة الاقتصادية وهو الـ Honor 10X Lite واللي بيجي بمساحة عالية ورامات عالية وتصميم حلو وبطارية كبيرة ولكن في عيب خطير ممكن يخليك متشتريش التليفون دا يلا نعرف المميزات ونعرف العيب دا.
1-المعالج: المعالج من انتاج الشركة وبيجي من نوع Kirin 710 مع معالج رسومي من نوع Mali-G51 MP4 وهو نفس المعالج اللي موجود في تليفونات Honor 9C و HuawiY7a وبيدعم خاصية الـ GPU Turbo 3.0 عشان يديك اداء العاب احسن وافضل.
2-الشاشة: الشاشة بتيجي من نوع IPS LCD وعلي شكل الثقب وشركة هونر مسمياه الـ Full View بمساحة 6.67 انش بجودة FHD+ بدقة 1080 وبتدعم الـ Dark Mode .
3-الكاميرات: الكاميرا الامامية بتيجي بدقة 8 ميجا بكسل بفتحة عدسة F/2.0
الكاميرا الخلفية رباعية والكاميرا الاولي بتيجي بدقة 48 ميجا بكسل بفتحة عدسة F/1.8 وهي الكاميرا الاساسية والكاميرا التانية بنيجي بدقة 8 ميجا بكسل بفتحة عدسة F/2.4 وهي الخاصة بالتصوير الواسع والكاميرا التالتة بتيجي بدقة 2 ميجا بكسل بفتحة عدسة F/2.4 وهي الخاصة بالتصوير الماكرو والكاميرا الرابعة والاخيرة بتيجي بدقة 2 ميجا بكسل بفتحة عدسة F/2.4 وهي الخاصة بالعزل والبورترية مع فلاش احادي من نوع Led Flash .
4-المساحة: بيجي من التليفون نسخة واحدة بمساحة 128 جيجا مع 4 جيجا رام.
5-البطارية: البطارية بتيجي بسعة 5000 مللي امبير وبتدعم الشحن السريع بقوة 22.5 واط
التليفون بيدعم تصوير الفيديوهات بجودة FHD بدقة 1080بكسل وبجودة HD بجودة 720 بكسل والبصمة بتيجي مدمجه في زرار الباور وبيدعم خاصية الـ Face Unlock وفيه مايكروفون ثانوي لعزل الضوضاء اثناء المكالمات واستخدام التليفون بشكل عام وبيدعم شريحتين اتصال في وقت واحد وتقدر تركب كارت ميموري في منفذ منفصل والخامات المستخدمه في التليفون هي البلاستيك وبيجي بأحدث نظام تشغيل Android 10 واحدث واجهه من هونر الـ Magic UI 3.1 ولكن العيب هو انه مش بيدعم خدمات جوجل بشكل رسمي يعني مفيش يوتيوب او جوجل بلاي واللي زي كدا ودا يخلي ناس متشتريش التليفون وبيجي بتلات الوان اسود وزمردي ولون الجليد الايسلندي.
6-السعر: السعر للنسخة الوحيدة الـ 128 جيجا مع 4 جيجا رام هو 3333 جنية
تعليقات