شركة سامسونج نزلت تليفون جديد في سلسلة الـ Galaxy S وهو الـ Samsung Galaxy S20 FE عشان يكون النسخة الاصغر من الـ Samsung Galaxy S20 وبينزل بمواصفات كويسة جدا من حيث الشاشة الـ Super AMOLED ومعدل 120HZ ومعالج كويس من نوع Exynos 990 وتفسير اخر جرفين من اسم التليفون ( FE ) يعني Fan Edition ودي مجرد مقدمة ويلا نتعرف علي باقي المواصفات.
1-المعالج: المعالج المستخدم في التليفون دا شركة سامسونج في تليفونات تانية زي الـ Galaxy Note 20 Ultra والـ Galaxy S20 Ultra وهو Exynos 990 مع معالج رسومي من نوع Mali-G77 MP11 وبيدي اداء كويس جدا.
2-الشاشة: الشاشة بتيجي من نوع Super AMOLED بمساحة 6.5 انش وطبعا في الفئة السعرية دي شكل الثقب وسامسونج مسمياه التصميم دا الـ Infinity O وبجودة FHD+ بدقة 1080 بكسل مع طبقة حماية من نوع Corning Gorilla Glass الجيل التالت وبتدعم معدل تحديث لحد 120HZ لاداء افضل في الالعاب واستخدام التليفون عامة مع خاصية الـ Always On Display .
3-الكاميرات: الكاميرا الامامية بدقة 32 ميجا بكسل بفتحة عدسة F/2.0
الكاميرا الخلفية ثلاثية الكاميرا الاولي بدقة 12 ميجا بكسل بفتحة عدسة F/1.8 وهي دي الاساسية وبتدعم المثبت البصري والكاميرا التانية بتيجي بدقة 8 ميجا بكسل بفتحة عدسة F/2.0 وهي الخاصة بالزوم او التقريب حتي 3X حقيقي ولحد 30X ديجتال والكاميرا التالتة والاخيرة بتيجي بدقة 12 ميجا بكسل بفتحة عدسة F/2.2 وهي الخاصة بالتصوير الواسع مع فلاش جانبي من نوع Led Flash .
4-المساحة: بيجي بنسخة واحدة 128 جيجا مع 8 جيجا رام.
5-البطارية: بتيجي بسعة 4500 مللي امبير والشحن السريع بقوة 25 واط والشحن اللاسلكي بقوة 15 واط والشحن اللاسلكي العكسي بقوة 4.5 واط.
التليفون بيدعم تصوير الفيديوهات بجودة 4K بدقة 2160 بكسل وبجودة FHD بدقة 1080 بكسل وبيجي بمايكروفون ثانوي لعزل الضوضاء بصفة عامة اثناء استخدام التليفون وبيدعم صوت الاستريو عشان يقدم تجربة صوت افضل والبصمة بتيجي في الشاشة وخاصية الـ Face Unlock وتركيب شريحتين اتصال في وقت واحد مع تركيب كارت ميموري لحد مساحة 1 تيرا بايت والخامات المستخدمة في التيفون من البلاستيك مع فريم من الالمونيوم وبيجي مقاوم للمياه والتراب لحد عمق 1.5 متر لمدة 30 دقيقة بشهادة من IP68 واحدث نظام تشغيل Android 10 مع احدث واجهه من سامسونج One UI 2.5 وبيجي بالوان كحلي واللافندر ونعناعي وبرتقالي واحمر.
6-السعر: للنسخة الوحيدة 128 جيجا مع 8 جيجا رام بسعر 10000 جنية.
وتنساش تعمل اشتراك وتشوف باقي المقالات وتكتب كومنت بنوع التليفون اللي عايزنا نتكلم عنة.
تعليقات