سلسة الـ Nova من شركة هواوي انضم ليها فرد جديد وهو الـ Huawei Nova 7 SE وهو النسخة الاصغر من الـ Huawei Nova 7 5G عشان يعمل نجاح ومبيعات كبيرة وهو بيجي بنفس التصميم ولكن مع معالج مختلف وبطارية كبيرة وشاشة IPS وشحن سريع ولكن في عيب خطير ويلا نشوف المواصفات كاملة ونعرف اي هو العيب دا.
1-المعالج: المعالج من انتاج شركة هواوي من نوع Kirin 820 5G مع معالج رسومي من نوع Mali-G57 وهو بيدي اداء كويس وحلو.
2-الشاشة: الشاشة بتيجي من نوع LTPS IPS LCD بمساحة 6.5 انش وبتيجي علي شكل الثقب وهواي مسمية التصميم دا الـ Full View مع جودة FHD+ بدقة 1080 بكسل وطبعا بتدعم الـ Dark Mode والوان الشاشة كويسة جدا.
3-الكاميرات: الكاميرا الامامية بتيجي بدقة 16 ميجا بكسل بفتحة عدسة F/2.0
الكاميرا الخلفية رباعية الكاميرا الاولي بتيجي بدقة 64 ميجا بكسل بفتحة عدسة F/1.8 وهي الاساسية والكاميرا التانية بدقة 8 ميجا بكسل بفتحة عدسة F/2.4 وهي الخاصة بالتصوير الواسع والكاميرا التالتة بتيجي بدقة 2 ميجا بكسل بفتحة عدسة F/2.4 وهي الخاصة بالتصوير الماكرو والكاميرا الرابعة والاخيرة بتيجي بدقة 2 ميجا بكسل بفتحة عدسة F/2.4 وهي الخاصة بالعزل والبورترية مع فلاش خلفي احادي من نوع Led Flash.
4-المساحة: بيجي بنسخة واحدة بس بمساحة 128 جيجا مع 8 جيجا رام.
5-البطارية: البطارية بتيجي بسعة 4000 مللي امبير وبتدعم الشحن السريع بقوة 40 واط والشحن العكسي بقوة 5 واط.
بيدعم تصوير الفيديوهات بجودة 4K بدقة 2160 بكسل وبجودة FHD بدقة 1080 بكسل وبجودة HD بدقة 720 بكسل والبصمة بتيجي مدمجة في زرار الباور وبيدعم خاصية الـ Face Unhock وتقدر تركب شريحتين اتصال في واحد وكارت ميموري من نوع Nano Memory وفيه مايكروفون ثانوي لعزل الضوضاء وتحسين الصوت اثناء استخدام التليفون بصفة عامة واحدث نظام تشغيل Android 10 واحدث واجهه من هواوي EMUI 10.1 ولكن العيب هو انه مش بيدعم خدمات جوجل ودا بشكل رسمي وبيجي منه لونين اللون الفضي والبنفسجي.
6-السعر: السعر الرسمي للنسخة الوحيدة 128 جيجا مع 8 جيجا رام هو 4950 جنية.
ومتنساش تعمل اشتراك من تحت خالص عشان يوصلك كل جديد واكتب كومنت بنوع التليفون اللي عاويزنه نكتب عنه.
تعليقات