تليفون Redmi Note 7 اول لما نزل في السوق المصري عمل ضجة كبيرة عشان كان اول تليفون في سلسلة الـ Redmi Note ينزل بمنفذ شحن USB Tybe C ونوتش علي شكل Water Drop مع كاميرا بدقة عالية 48 ميجا بكسل والظهر من الزجاج والوان متدرجة عشان كدة عمل ضجة في الفئة المتوسطة ويلا نعرف مواصفاتي ورائي فيه بعد التجربة الشخصية.
1-المعالج: المعالج من شركة كوالكم من نوع Snapdragon 660 مع معالج رسومي من نوع Adreno 512 واللي بيدي اداء كويس جدا في الالعاب مع خاصية Game Booster واللي بتدعم الالعاب اكتر.
2-الشاشة: الشاشة من نوع IPS LCD بمساحة 6.3 انش بجودة FHD+ بدقة 1080 بكسل والشاشة بتيجي علي شكل الـ Water Drop وعليها طبقة حماية من نوع Corning Gorilla الجيل الخامس.
3-الكاميرات: الكاميرا الامامية بتيجي بدقة 13 ميجا بكسل بفتحة عدسة F/2.2
الكاميرا الخلفية مزدوجة والكاميرا الاولي بتيجي بدقة 48 ميجا بكسل بفتحة عدسة F/1.8 وهي الاساسية والكاميرا التانية بتيجي بدقة 5 ميجا بكسل بفتحة عدسة F/2.4 مع فلاش احادي من نوع Led Flash وبيدعم التصوير الليلي عشان الصور تطلع كويسة في الاضاءة الضعيفة مع دعم الكاميرات للذكاء الاصطناعي .
4-المساحة: بيجي بنسختين الاولي بمساحة 64 جيجا مع 4 جيجا رام والتانية بمساحة 128 جيجا مع 4 جيجا رام.
5-البطارية: البطارية بتيجي بسعة 4000 مللي امبير ةبيدعم الشحن السريع بقوة 18 واط.
التليفون بيدعم تصوير الفيديوهات بجودة FHD بدقة 1080p و جودة HD بدقة 720p و بيدعم تصوير Slow motion بجودة FHD بدقة 1080p و جودة HD بدقة 720p و بيدعم المثبت الالكتروني EIS و بيدعم تركيب شريحتين اتصال في وقت واحد و تقدر تركب كارت ميموري بس لازم تستغني عن شريحة من الاتنين بيجي بنظام Android 10 و واجهة MIUI 12 بيجي بـ 3 ألوان أسود و أزرق و أحمر متدرج
6-السعر: 3400 للنسخة 128 مع 4 جيجا رام و 3000 للنسخة 64 مع 4 جيجا رام و 2500 للنسخة 32 مع 3 جيجا رام
من المشاكل الواجهتني خلال فترة استخدام سنة و نص:
أول حاجة جسم الموبايل بيسخن مع الاستخدام الثقيل و المالتي تاسكنج لكن لو أنت استخدامك بسيط سوشيال ميديا و تصفح أعتقد الموبايل هيبقي كويس جداً.
تاني مشكلة كانت مع MIUI 11 كان في مشاكل كتير و لكن المشاكل قلت مع MIUI 12.
ثالث مشكلة إن بعض التحديثات اللي بتحل مشاكل النظام بتبقي علي حساب أداء البطارية لكن دي كلها مشاكل سوفت وير و بيتم حلها بالتحديثات
لكن من المشاكل اللي قابلتني في الهارد وير و اللي كان لازم اتأقلم معاها هو بروز الكاميرا و للأسف الجراب اللي مع الموبايل في العلبة مش بيغطيها يعني لو الموبايل وقع في احتمال ان عدسة الكاميرا تتكسر لكن ممكن تتحل بأنك تتشتري جراب
دي النقاط السلبية اللي قابلتني في الموبايل أما بالنسبة للإيجابيات فهو موبايل عادي جداً بيقدم أداء محترم في فئة 3500 و كان المنافس الوحيد لـ Realme 3
ومتنساش تعمل اشتراك عشان يوصلك كل المشاركات الجديدة وتكتب كومنت بنوع التليفون اللي عايرنا نتكلم عنه المرة الجاية.
تعليقات