شركة سامسونج عملت مؤتمر رسمي بتعلن فيه عن تلات تليفونات جداد جداد وهما الـ Samsung Galaxy S21 5G والـ Samsung Galaxy S21 5G Plus والـ Samsung Galaxy S21 Ultra 5G واقل واحد فيهم هو الـ Samsung Galaxy S21 5G وهو يعتبر النسخة الاعلي والافضل والتطوير للـ Samsung Galaxy S20 والفرق هنا في التصميم اللي اتغير للاحسن كتير والمعالج الفضل وطبعا دعم التليفيون للـ 5G واللي انا متوقع ان في الفئة دي الـ 5G هينتشر مع العلم ان مصر لسة مش بتشغل الـ 5G ولكن في المستقبل القريب هنشوف الشبكات دي في مصر ويلا نشوف المواصفات الكاملة للتليفون دا.
2-الشاشة: الشاشة بتيجي بمساحة 6.2 انش بجودة FHD+ بدقة 1080 بكسل والشاشة بتدعم تردد 120HZ عشان تبقي احسن وتدي اداء سريع اثناء الاستخدام والشاشة علي الثقب من نوع Dynamic AMOLED 2X مع طبقة حماية من نوع Corning Gorilla Glass Victus عشان افضل حماية للشاشة من الخدوش والكسر.
3-الكاميرا: الكاميرا الامامية بتيجي بدقة 10 ميجا بكسل بفتحة عدسة F/2.2
الكاميرا الخلفية ثلاثية الكاميرا الاولي بتيجي بدقة 12 ميجا بكسل بدقة F/1.8 وهي دي الاساسية اما الكاميرا التانية بتيجي بدقة 12 ميجا بكسل بفتحة عدسة F/2.2 وهي الخاصة بالتصوير الواسع والكاميرا التالتة والاخيرة بتيجي بدقة 64 ميجا بكسل بفتحة عدسة F/2.0 وهي الخاصة بالزوم او التقريب حتي 3X حقيقي و 30X ديجتال مع دعم الكاميرات للمثبت البصري او الـ OIS مع فلاش جانبي.
4-المساحة: التليفون بيجي بنسخة واحدة بمساحة 128 جيجا مع 8 جيجا رام.
5-البطارية: البطارية بتيجي بسعة 4000 مللي امبير وبتدعم الشحن السريع بقوة 25 واط والشحن اللاسلكي بقوة 15 واط والشحن اللاسلكي العكسي بقوة 4.5 واط.
التليفون بيدعم تصوير الفيديوهات بجودة 8K وكمان 4K واخيرا HD البصمة بتيجي مدمجة في الشاشة واكيد خاصية الـ Face Unlock والسماعات الخارجية بتيجي بصوت الاستريو عشان الصوت يبقي نقي وواضح وفي كمان مايكروفون ثانوي عشان عزل الضوضاء وتنقية الصوت اثناء استخدام التليفون بصفة عامة وتقدر تركب شريحتين اتصال في واحد بس للاسف مفيش منفذ لكارت الميموري ودا ممكن يتحب عيب في التليفون خصوصا ان مساحتة مش كبيرة كفاية ان حد ممكن يعمل علية شغل كتير بالنسبة للخامات بتيجي من البلاستيك والفريم من الالمونيوم والتليفون بيجي مقاوم للتراب والماياه لحد 1.5 متر ولمدة 30 دقيقة بشهادة IP68 واحدث نظام تشغيل Andriod 11 واللي لسة لم يتم الاعلان عنه بشسكل رسمي لانه لسة في مرحلة التجربة والتطوير واحدث واجهه من سامسونج One UI 3.1 وفي منه اربع الوان بنفسجي وبينك ورمادي وابيض.
6-السعر: السعر دا رسمي وتم الاعلان عنه للنسخة الوحيدة 128 جيجا مع 8 جيجا رام 14899 جنية
ومتنساش تعمل اشتراك عشان يوصلك جديد وتكتب كومنت بنوع التليفون اللي عايزنا نتكلم عنه المرة الجاية.
تعليقات