شركة شاومي من فترة اعلنت في مؤتمر رسمي عن تليفون ممتاز ويعتبر من اوائل التليفونات اللي استخدم معالج Snapdragon 888 والشاشة كمان تم تطويرها عشان تدعم تردد 120HZ وكمان التصميم مختلف عن التسريبات اللي طلعت وكمان مختلف عن التليفون اللي قبلة واللي التليفون دا يعتبر التطوير بتاعة وهو الـ Xiaomi Mi 10 وبردو التليفون دا كان من التيفونات اللي عملت ضجة اول لما نزل بسسب الكاميرات والمعالج بتاعه واالي متوقع من التليفون دا يعمله واكتر كمان والشركة اتأخرت في انها تنزل التليفون دا مصر ولكن خلال الشهرين الجايين هينزل مصر ويلا نعرف المواصفات كاملة.
1-المعالج: التليفون بيجي بمعالج بيدي اداء كويس في الالعاب وهو الـ Snapdragon 888 مع معالج رسومي من نوع Adreno 660 والاداء كويس جدا.
2-الشاشة: الشاشة بتيجي بمساحة 6.81 انش والشاشة من نوع AMOLED وبجودة QHD+ بدقة 1440 بكسل والشاشة بتدعم تردد 120HZ عشان يديك اداء قوي في الالعاب مع طبقة حماية من نوع Corning Gorilla Glass Victus وسطوع الشاة عالي عشان استخدام التليفون في الشمس.
3-الكاميرات: الكاميرا الأمامية بتيجي بدقة 20 ميجا بكسل
الكاميرا الخلفية ثلاثية الأولي بدقة 108 ميجا بكسل بفتحة عدسة F/1.9 و هي الكاميرا الأساسية و تدعم المثبت البصريو الكاميرا التانية بدقة 13ميجا بكسل بفتحة عدسة F/2.4 و هي الخاصة بالتصوير الواسع أما الكاميرا الثالثة بدقة 5 ميجا بكسل بفتحة عدسة F/2.4 و هي الخاصة بالماكرو مع فلاش من Flash LED .
4-المساحة: التليفون بيجي بتلت نسخ الاولي بمساحة 128 جيجا مع 8 جيجا رام والنسخة التانية بمساحة 256 جيجا مع 8 جيجا رام والنسخة التالتة بمساحة 256 جيجا مع 12 جيجا رام.
5-البطارية: البطارية بتيجي بسعة 4600 مللي امبير وبتدعم الشحن السريع بقوة 55 واط والشحن اللاسلكي بقوة 50 واط والشحن اللاسلكي العكسي بقوة 10 واط ولكن دا كلو من غير راس للشاحن بس الراس هتيجي هدية مع التليفون بس المتوقع ان الشاحن مش هيجي بعد كدا في الاصدارات اللي جاية.
التليفون بيدعم تصوير الفيديوهات بجودة 8K وكمان بجودة 4K وكمان FHD والـ HD بيدعم تصوير الـ Slow Motion بجودة FHD بدقة 1080 بكسل وفية مايكروفون ثانوي لعزل الضوضاء اثناء استخدام التليفون بصفة عامة والبصمة بتيجي تحت الشاشة مع خاصية الـ Face Unlock وتجربة الصوت كويسة لانها سماعات بتدعم صوت الاستريو وبيدعم تركيب شريحتين اتصال في وقت واحد ومفيش مكان لكارت الميموري وبالنسبة للخامات هي من الزجاج وبيجي بأحدث نظام تشغيل Android 11 مع احدث واجهه من شومي MIUI 12.5 وبيجي بخمس الوان هما ابيض واسود وازرق وبنفسجي ودهبي.
6-السعر: السعر للنسخة الاولي 9600 جنية والنسة التانية 10400 جنية والنسخة التالتة 11300 جنية.
ومتنساش تعمل اشترك عشان يوصلك كل جديد واكتب كومنت بنوع التليفون اللي عايزني اتكلم عنة المرة الجاية.
تعليقات