معظم الناس هتستغرب ان شركة ZTE بتاعت الروترات بتصنع تليفونات ولكن الشركة اصلا بتصنع اجهزة اتصالات مش بس راوترات والتليفون دا في تكنولوجيا جديدة وشركة Vivo كانت بتفكر تعملها بس لسة منزلوش حاجة لكن شركة ZTE اول شركة تنزلها فعليا في تليفون اسمة ZTE Axon 20 5G بس للاسف التليفون مش هينزل مصر بس تقدر تشترية من برا ويلا نعرف مواصفات التليفون دا.
1-المعالج: العالج بيجي من نوع Snapdragon 765 من شركة كوالكم والمعالج بيدي اداء ممتاز وبيدعم الـ 5G واللي لسة شبة مش موجودة في مصر.
2-الشاشة: الشاشة بتيجي بمساحة 6.92 انش مع تردد 90HZ وبجودة OLED بدقة 1080 بكسل والاهم هو النوتش اللي اختفي بعد لما عملوا الكاميرا الامامية تحت الشاشة والتصميم دا اسمه True Full-Display والشاشة بقي حجمها كويس اووي.
3-الكاميرات: الكاميرا الامامية بتيجي بدقة ميجا بسل بفتحة عدسة F/2.0
الكاميرا الخلفية رباعية الكاميرا الاولي بدقة 64 ميجا بكسل بفتحة عدسة F/1.8 وهي الكاميرا الاساسية والكاميرا التانية بدقة 8 ميجا بكسل بفتحة عدسة F/2.2 وهي الخاصة بالتصوير الواسع والكاميرا التالتة بتيجي بدقة 2 ميجا بكسل وهي الخاصة بالماكرو والكاميرا الرابعة والاخيرة بتيجي بدقة 2 ميجا بكسل وهي الخاصة بالعزل.
4-المساحة: بيجي بنسختين الاولي بمساحة 128 جيجا مع 8 جيجا رام والنسخة التانية بمساحة 256 جيجا مع 8 جيجا رام.
5-البطارية: البطارية بتيجي بسعة 4220 مللي امبير وبتدعم الشحن السريع بقوة 30 واط.
6-السعر: اول نسخة بسعر 450 دولار يعني7000 جنية مصري والنسخة التانية بسعر 500 دولار يعني 7800 جنية مصري.
ومتنساش تعمل اشتراك عشان يوصلك كل جديد واكتب كومنت بنوع التليفون اللي عايزني اتكلم عنه.
تعليقات