1-المعالج: التليفون بيجي بمعالج من نوع Exynos 850 مع معالج رسومي من نوع Mali-G52 والمعالج دا نفس اللي موجود في تليفونات Samsung Galaxy M12 وكمان الـ Samsung Galaxy A21s والمعالج دا ادائه ضعيف او متوسط ولكن من الاخر مش بتاع العاب نهائي يعني المعالج شغل تصفح بس مش اكتر من كدا.
2-الشاشه: الشاشه بتيجي بمساحه 6.6 انش بجودة 1080 بكسل والشاشه علي شكل النوتش في نص الشاشه وبتيجي من نوع PLS TFT والشاشه عليها طبقه حمايه من نوع Corning Gorilla Glass من الجيل الخامس بس مفيش اسكرينه حمايه من الشركه.
3-الكاميرات: الكاميرا الاماميه بتيجي بدقة 8 ميجا بكسل بفتحه عدسه F/2.2
الكاميرا الخلفيه بتيجي رباعيه والكاميرا الاولي بتيجي بدقة 50 ميجا بكسل بفتحه عدسه F/1.8 ودي تعتبر الكاميرا الاساسيه اما الكاميرا التانيه بتيجي بدقه 5 ميجا بكسل بفتحه عدسه F/2.2 وهي الخاصه بالتصوير الواسع او الـ Wide Angle والكاميرا التالته بتيجي بدقة 2 ميجا بكسل بفتحه عدسه F/2.4 وهي الخاصه بالتصوير الماكرو اما الكاميرا الرابعه والاخيرة بتيجي بدقة 2 ميجا بكسل بفتحه عدسه F/2.4 وهي الخاصه بالعزل في التصوير مع فلاش احادي من نوع Led Flash واداء الكاميرا كويس اوي بالنسبه لاداء المعالج.
4-المساحه: التليفونبيجي بنسختين الاولي بمساحه 64 جيجا مع 4 جيجا رام والنسخه التانيه بتيجي بمساحه 128 جيجا مع 4 جيجا رام.
5-البطاريه: البطاريه بتيجي بسعه كبيرة 5000 مللي امبير مع شاحن بقوة 15 واط بيشحن البطاريه كامله في ساعتين ودا كتير بس كويس Samsung حطت الشاحن لانها بدات وزي معظم الشركات تشيل الشاحن من العلبه.
التليفون بيدعم تصوير الفيديوهات بجودة FHD بدقة 1080 بكسل وكمان التصوير بجودة HD بدقة 720 بكسل التليفون كمان فيه مايكروفون لعزل الضوضاء عشان يبقي جدوة الصوت في المكالمات احسن التليفون البصمه فيه مدمجه في زرار الباور وطبعا الـFace Unlock واللي بيفتح براحه اوي واستجابته بطيئه التليفون بيدعم شريحتين اتصال وكارت ميموري زيادة كمان والخامات في التليفون دا عاديه مصنوع من البلاستيك اللامع وبيجي بنظام تشغيل Android 12 مع واجهه سامسونج المخففه الـ One UI 4.1 Core والتليفون بينزل منه اربع الوان هما الابيض والاسود والازرق والبينك.
6-السعر: سعر النسخه الاولي الـ 64 جيجا مع 4 جيجا رام 4600 جنيه وسعر النسخه التانيه الـ 128 جيجا مع 4 جيجا رام 5000 جنيه.
تعليقات