1-المعالج: التليفون دا بيجي بمعالج من شركه كوالكم من نوع Snapdragon 8 Gen 1 والمعالج نفس اللي موجود في المنافس ليه من شركه سامسونج اللي هو الـ Samsung Galaxy S22 Ultra وبيجي بمعالج رسومي من نوع Adreno 730 والمعالج دا الاداء بتاعه كويس جدا ومش هتحس بتقطيع مع السخونه او كلام من دا.
2-الشاشه: الشاشه بتيجي من نوع AMOLED علي شكل الثقب اللي في نص الشاشه مع انحناءات بسيطه في الاطراف والشاشه بتيجي بمساحه 6.73 انش بدقة 1440 بكسل مع طبقة حمايه من نوع Corning Gorilla Glass Victus بس الشركه مقالتش اصدار طبقة الحمايه والشاشه بتدعم معدل تحديث 120Hz وبتدعم كمان خاصيه الـ HDR10+ والشاشه مواصفتها كويسة.
3-الكاميرات: الكاميرا الاماميه بتيجي بدقة 32 ميجا بكسل بفتحه عدسه F/2.5
الكاميرا الخلفيه ثلاثيه الكاميرا الاولي والاساسيه بتيجي بدقه 50 ميجا بكسل بفتحه عدسه F/1.9 وبتدعم المثبت البصري او الـ OIS اما الكاميرا التانيه بتيجي بدقة 50 ميجا بكسل بفتحه عدسه F/1.9 وهي الكاميرا الخاصه بالـ Zoom والكاميرا التالته والاخيرة بتيجي بدقة 50 ميجا بكسل بفتحه عدسه F/2.2 وهي الخاصه بالتصوير الواسع او الـ Wide Angle مع فلاش ثنائي من نوع Led Flash.
4-المساحه: التليفون بيجي بنسخه واحدة بس بمساحه 256 جيجا مع 12 جيجا رام.
5-البطاريه: البطاؤيه بتيجي بسعه 4600 مللي امبير مع شاحن بقوة 120 واط وبيشحن شحن لاسلكي بسرعه 50 واط والشحن اللاسلكي العكسي بسرعه 10 واط.
التليفون مميز لانه بيدعم التصوير بجودة 8K بدقة 4320 بكسل وكمان بجودة 4K بدقة 2160 بكسل وكمان بجودة FHD بدقة 1080 بكسل وبجودة HD بدقة 720 بكسل والتليفون فيه مايكرفون ثانوي لعزل الضوضاء وتحسين جودة الصوت وبالنسبه للسماعات هي من نوع ستيريوومنفذ الشحن من نوع Type C وبيدعم خاصيه الـ OTG بالنسبه لوسائل الامان البصم بتيجي مدمجه في الشاشه وطبعا خايه الـ Face Unlock والتصميم بتاع التليفون من الزجاج وبيدعم شريحتين اتصال في وقت واحد بس التليفون مش بيدعم تركيب كارت ميموري والتليفون بيجي بنظام التشغيل Android 12 مع واجهه Xiaomi الاحدث الـ MIUI 13 والتليفون بيجي منه لونين هما رمادي وبنفسجي.
6-السعر: التليفون بيجي بسعر 25000 جنيه للنسخه الوحيده الـ 256 جيجا مع 12 جيجا رام.
ومتنساش تعمل اشتراك عشان يوصلك كل جديد واكتب كومنت بنوع التليفون اللي عايزني اتكلم عنه المرة الجاية.
تعليقات